"माझ्यासवे रात्र आज ती
का उगाच जागते
कोण तुज सतावते मनी
का मज ती पुसते
आठवणींच्या कट्ट्यावर ती
रोज मला येऊन भेटते
मनात कोण माझ्या
का डोकावून पहाते
डोळ्यातल्या अश्रूंसही ती
आज माझ्या बोलते
ह्रदयातील त्यास कुठेतरी
पापण्यां मध्ये शोधते
कसे सांगु रात्रीस त्या
आठवणीत कोण असते
कोणाची सावली आज
मनात माझ्या पडते
चांदणे मोजता कीती ते
मनात त्याची साथ असते
प्रत्येक चांदण्यात आता मी
अनोळखी त्यास पहाते
रात्र ती गोंधळून गेली
उगाच का ती जागते
माझ्या मनातील सावलीस
स्वतःच्या सावल्यांत शोधते. ..!!"
टिप्पण्या
टिप्पणी पोस्ट करा
Leave a Reply