ओळखुन बघ..

बाजार होतो ह्या शरीराचा
पण कधी मनाचाही करुन बघ
कोणी घेईल का दुखः तुझ
एकदा स्वतःलाच विचारुन बघ

वासनेची ही दुनिया सारी
थोडं तिला ओळखुन बघ
तोडतील लचके हे लांडगे ही
अश्रु थोडे पुसुन बघ

आपलं अस कोणी आहे
एकदा तु विचारुन बघं
मनातल्या भावना कधी एकदा
आपल्यास कोणा सांगुन बघ

राहिलंय काय शेवटी इथे
शरीरातल मन एकदा तु बघ
वासनेच्या बाहेर येऊन कधी
नातं एकदा जोडुन बघ

दिसत ते जग नसतं इथे
हेच जरा आठवुन बघ
आपलं अस म्हणताना कोणी
जवळ का येते तु ओळखुन बघ
- योगेश खजानदार