अडगळीतला ब्लॉग

त्या सुंदर संध्याकाळी , तू सोबत असावी!! रेडिओवरच्या गाण्यानेही, तुझीच प्रीत गावी !! वाफाळलेला चहा, आणि गप्पाची मैफिल असावी !!  तू मनसोक्त बोलताना, जणु स्वतःत हरवून जावी !! कधी नकळत हसू तुझे, जणु पावसाची चाहूल व्हावी !!! नजरेत तुझ्या पाहताच, माझी ओढ का दिसावी ?? सारं काही इथेच आहे, जगाची तमा नसावी !! तुझ्या आणि माझ्या मध्ये, कोणाची गरज असावी?? क्षण जणु थांबले इथे, ती झुळूकही थांबावी !! शब्दही आतुर होता, तू कविता होऊन यावी!!  सांज ती बोलता अशी, गुपित जणु सांगावी !! तूझ्या माझ्या मनातले, सहज ओळखून जावी !! मनातल्या भावनांना, वाट मोकळी करावी!! जेव्हा त्या संध्याकाळी, तू सोबत असावी !! ✍️ योगेश खजानदार

पाहाण्यास या सूर्यास मी ,आज पुन्हा तयार आहे !! भेट घेऊन क्षणांची तो, आज माझ्या पुढ्यात आहे !! किरणांनी दाखवले ते मार्ग, चालण्यास मी तयार आहे !! सारे आकाश पसरून जावे, त्यास कवेत घ्यायचे आहे !! झेप घेत पाखरांच्या , पंखात बळ येत आहे !! उमलती ती कळीही आता, अलगद वर पाहत आहे !! कालचे ते मनातले , सारें निघून जात आहे !! अंधार तो कोपऱ्यातला, सहज पसार होत आहे !! जागी झाली नदी, जागे ते घरही होत आहे !! अजूनही झोपल्या त्या, अंगणास जाग येत आहे !! पसरल्या त्या धुक्यात, स्वप्न धूसर होत आहे!! पानावर दवबिंदू होऊन, मला पुन्हा भेटत आहे !!! कशी ही सुंदर सकाळ , हळूच मला बोलत आहे !! माझ्या मिठीत येऊन, अलगद ती हसत आहे !! पाहण्यास या सूर्यास मी, आज पुन्हा तयार आहे !! ✍️ योगेश  *ALL RIGHTS RESERVED*